डोनाल्ड ट्रम्प र भ्लादिमिर पुटिनको भेटपछि युक्रेनी राष्ट्रपति भोलोडिमिर जेलेन्स्कीले आफ्नो अडान बलियो बनाउन खोजिरहेका छन् ।
डोनाल्ड ट्रम्पपछि जेलेन्स्कीले युरोपेली नेताहरूसँग वार्ता गरेका छन् । यो कुराकानीपछि उनले कडा अडान देखाउँदै ट्रम्पपछि हामीले युरोपेली नेताहरूसँग हाम्रो अडान समन्वय गरेका छौं । युक्रेनको अडान स्पष्ट छरहेको बताउदै उनले आफु वास्तविक शान्ति स्थापना गर्न चाहेको बताएका छन् ।
जेलेन्स्कीले भनेका छन्- 'हामी चाहन्छौं कि हत्याहरू चाँडै बन्द होस् । युद्धभूमि र हवाई हमलासँगै, हाम्रो बन्दरगाह पूर्वाधारमा गोलीबारी पनि बन्द हुनुपर्छ । सबै युक्रेनी युद्धबन्दीहरू र नागरिकहरूलाई रिहा गर्नुपर्छ र रूसले हाम्रा अपहरण गरिएका बच्चाहरूलाई फिर्ता गर्नुपर्छ । जबसम्म आक्रमण र कब्जा जारी रहन्छ, रूसमाथि दबाब कायम राख्नुपर्छ ।'
जेलेन्स्कीले अगाडी भने- 'राष्ट्रपति ट्रम्पसँगको मेरो कुराकानीमा, मैले भनेको थिएँ कि यदि त्रिपक्षीय बैठक भएन भने वा यदि रूसले युद्ध रोक्नबाट बच्न खोज्छ भने, प्रतिबन्धहरू कडा पार्नुपर्छ । प्रतिबन्धहरू एक प्रभावकारी उपकरण हो । युरोप र अमेरिका दुवैको सहभागितामा, सुरक्षाको भरपर्दो र दीर्घकालीन ग्यारेन्टी हुनुपर्छ ।'
युक्रेनी राष्ट्रपतिले देशको लागि महत्त्वपूर्ण सबै मुद्दाहरूमा आफुहरुको सहभागितामा छलफल गरिनुपर्ने बताएका छन् । उनले विशेष गरी क्षेत्रीय मुद्दाहरू युक्रेन बिना निर्णय गर्न नसकिने आफ्नो अडान स्पष्ट गरेका छन् ।
जेलेन्स्कीले अर्को हप्ता वाशिंगटनमा अमेरिकी राष्ट्रपति डोनाल्ड ट्रम्पलाई भेट्न सक्ने बताएका छन् । जेलेन्स्कीले अलास्कामा पुटिन र ट्रम्प बीचको भेटपछि शनिबार ट्रम्पसँग लामो र अर्थपूर्ण कुराकानी भएको बताए । सोमबार व्यक्तिगत रूपमा भेट्न निमन्त्रणा दिएकोमा उनले ट्रम्पलाई धन्यवाद दिएका छन् ।
जेलेन्स्कीले युक्रेन युद्धको वार्तामा युरोपलाई संलग्न गराउन पनि जोड दिएका छन् । उनले अमेरिकासँग मिलेर भरपर्दो सुरक्षा ग्यारेन्टी सुनिश्चित गर्न युरोपेली नेताहरू हरेक तहमा संलग्न हुनु महत्त्वपूर्ण हुने बताएका छन् ।
.jpeg)
.gif)
