.gif)
उच्च अदालतका न्यायाधीश भरत लम्सालले पदबाट राजीनामा दिएका छन् । न्यायाधीश लम्सालले आज (शुक्रबार) बाट लागू हुनेगरी राजीनामा दिएको सर्वोच्च अदालतका सहरजिस्ट्रार अच्युत कुइँकेलले जानकारी दिए ।
उनका अनुसार न्यायाधीश लम्सालले स्वास्थ्य र घरायसी अवस्थाका कारण राजीनामा दिएका हुन् । उनी हाल उच्च अदालत विराटनगरको अस्थायी इजलास ओखलढुंगामा कार्यरत थिए ।
६२ वर्षीय लम्साल २०८० सालमा उच्च अदालतको न्यायाधीश नियुक्त भएका थिए । अवकाशमा जानुअघि नै उनले राजीनामा दिएका हुन् । उनको कार्यकाल अझै एक वर्ष बाँकी छ ।
प्रतिक्रिया दिनुहोस्
.jpeg)
.gif)
