.gif)
सत्तारुढ नेकपा एमालेका सांसद गोकुल बास्कोटाले भूकम्पमा राहत बाँडे जस्तो १० किलो मल बाँडेर कृषिको उत्पादकत्व नबढ्ने बताएका छन् । असार लागेपछि कृषिमन्त्री र मल हराउने अभिशप्त इतिहास दोहोरिएको उनले टिप्पणी गरे ।
आज (सोमबार) बसेको प्रतिनिधिसभा बैठकको शून्य समयमा एमाले सांसद बास्कोटाले धान रोप्ने सिजनमा पर्याप्त मलको व्यवस्था गर्न सरकारको ध्यानाकर्षण गराएका हुन् ।
‘कृषिमन्त्रीले भन्नु होला, रन्किनु होला, म यहीं छु भनेर । एउटा अभिशप्त इतिहास दोहोरिन्छ–असार लागेपछि मल र मन्त्री हराउनु पर्ने स्थिति हुन्छ नेपालमा । भूकम्पमा राहत बाँडे जस्तो कृषिको उत्पादन र उत्पादकत्व कसरी हुन्छ ? तत्काल मलको व्यवस्था गरियोस्,’ बास्कोटाले भने ।
प्रतिक्रिया दिनुहोस्
.jpeg)
.gif)
