.gif)
काठमाडौं भ्यूटावरका ठेकेदार मनोजकुमार भेटवाल पक्राउ परे लगत्तै सुटुक्क अस्पताल भर्ना भएको पाइएको छ ।
शुक्रबार पक्राउ परेका भेटवाललाई प्रहरीले सोही राति ह्याम्स अस्पतालमा भर्ना गरेको हो । बैंकिङ कसुर मुद्दामा पक्राउ परेका उनलाई प्रहरीले सुरूमा वीर अस्पताल लगेको थियो । त्यहाँबाट ह्याम्स अस्पतालमा भर्ना गरिएको जिल्ला प्रहरी परिसर काठमाडौंका एसपी अपिलराज बोहराले जानकारी दिए ।
‘उहाँलाई दमको बिरामी छ भनिएको थियो । सुरूमा वीर लगेको थियौं । त्यहाँबाट ह्याम्स लगिएको हो,’ उनले भने । अस्पतालले पनि भेटुवाल शुक्रबार भर्ना भएको पुष्टि गरेको छ । क्याबिन नम्बर ८१२ मा राखेर उनको उपचार भइरहेको अस्पतालले जनाएको छ । ठेकेदार भेटवाल शुक्रबार बिहान पक्राउ परेका थिए । तर उनी पक्राउ परेकोबारे एसपी बोहरा लगायतका अधिकृतहरूले गोप्य राखेका थिए ।
अबेर राति मात्रै एसपी बोहराले उनी पक्राउ परेको प्रेस विज्ञप्ति जारी गरेका थिए । भेटवालमाथि अनुसन्धान गर्न आइतबार जिल्ला अदालत काठमाडौंमा म्याद थप गर्ने तयारी रहेको एसपी बोहराले जानकारी दिएका छन् ।
.jpeg)
.gif)
