.gif)
गुगल क्लाउडमा भएको ठूलो प्राविधिक समस्याका कारण विश्वभरका लाखौं प्रयोगकर्ताहरूले समस्याको सामना गर्नुपरेको छ । स्पोटिफाई, डिस्कर्ड, स्न्यापच्याट, ट्विच, शॉपिफाई र एआई कम्पनी एन्थ्रोपिक जस्ता प्रमुख सेवाहरू यस आउटेजबाट प्रभावित भएका छन् । यस बाहेक, जीमेल, गुगल मीट, युट्युब र गुगल सर्च जस्ता गुगलका आफ्नै सेवाहरू पनि केही समयको लागि प्रभावित भएका थिए ।
गुगल क्लाउडको स्टेटस वेबसाइटले समस्या पहिचान र पहुँच व्यवस्थापन सेवामा भएको गडबडीका कारण भएको बताएको छ । कम्पनीले उनीहरूका इन्जिनियरहरू समस्या समाधान गर्न लागि रहेको र केही स्थानहरूमा सेवाहरू पुनर्स्थापित गरिएको छ, यद्यपि अझै पनि धेरै स्थानहरूमा सेवा प्रभावित रहेको बताएको छ ।
सयौं गुनासोहरू आएपछि, गुगलले आफ्नो पछिल्लो अपडेटमा समस्याको जरा पहिचान गरेको छ र सुधारको प्रक्रिया सुरु गरेको बताएको थियो । गुगलले अमेरिकाको 'यूएस-सेन्ट्रल १' क्षेत्र बाहेक सबै स्थानहरूमा सेवाहरू धेरै हदसम्म पुन: प्राप्ति गरिएको दाबी गरेको छ । यद्यपि, धेरै प्रयोगकर्ताहरू अझै पनि विभिन्न सेवाहरूमा समस्याहरूको सामना गरिरहेका छन् ।
गुगल क्लाउडले दिएको जानकारी अनुसार, यस प्राविधिक समस्याबाट धेरै सेवाहरू प्रभावित भए, जसमा एजेन्ट असिस्ट, क्लाउड फायरस्टोर, गुगल एप इन्जिन, गुगल बिगक्वेरी, गुगल क्लाउड स्टोरेज, डायलगफ्लो, टेक्स्ट-टु-स्पीच, स्पीच-टु-टेक्स्ट र भर्टेक्स एआई सर्च जस्ता सेवाहरू रहेका छन । हाल, गुगलले सेवाहरू कहिले पूर्ण रूपमा पुनर्स्थापित हुन्छ भन्ने स्पष्ट जानकारी दिएको छन् ।
.jpeg)
.gif)
