.gif)
राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रलाई थुनामा राख्नुको कारण पेस गर्न सर्वोच्च अदालतले आदेश दिएको छ ।
बुधबार मिश्रकी पत्नी सारिका कार्कीले दायर गरेको प्रत्यक्षीकरणको रिटमा सुनुवाइ गर्दै न्यायाधीश सुनिलकुमार पोखरेलको इजलासले थुनामा राख्नुको कारण पेस गर्न सरकारका नाममा आदेश दिएको हो । रिटमा गृह मन्त्रालयलाई विपक्षी बनाइएको थियो ।
तीनकुने घटनामा संलग्न रहेको आरोपमा मिश्र ४६ दिनदेखि प्रहरी हिरासतमा छन् । उनी गत चैत १५ गते पक्राउ परेका थिए । उनीसँगै पक्राउ परेका राप्रपाका महामन्त्री धवलशमशेर राणा र स्वागत नेपाल छुटिसकेका छन्। दुवैजना हाजिर जमानीमा रिहा भएका हुन्। तर, उनी छुटेका छैन् ।
मंगलबार मात्रै मिश्रलाई थप पाँच दिन हिरासतमा राखेर अनुसन्धान गर्न अदालतले अनुमति दिएको थियो ।
प्रतिक्रिया दिनुहोस्
.jpeg)
.gif)
