.gif)
सुनसरीको भोक्राहा नरसिंह गाउँपालिका–७ का राजकिशोर मेहताले तीन बिघामा आलुखेती गरेका छन् । उनले सबै खर्चसहित छ लाख रुपैयाँ खर्च गरेका थिए । त्यसबाट करिब १४ लाख रुपैयाँको आलु उत्पादन गरिएको बताए ।
तीन महिना मेहनत गरेर आलुखेतीबाट आठ लाख रुपैयाँ आम्दानी गर्न सफल भएको महतोको भनाइ छ । १४ लाख रुपैयाँको आलु बिक्री गर्दा सबै खर्च कटाएर आठ लाख रुपैयाँ आम्दानी भएको उनले बताए । “विभिन्न समस्या त छन्, मजदुर, खाद्यमलको अभाव छ । तथापि तीन महिना मेहनत गरेर यो आम्दानी गर्न सफल भयौँ । यो देशमै केही गर्न सकिन्छ भन्ने उदाहरण पनि हो”, मेहताले भने।
यहाँका अधिकांश हिउँदे बालीका रूपमा मुख्यगरी आलुखेती गर्ने गरेका कृषि ज्ञान केन्द्र सुनसरीका प्रमुख नीलकमल सिंहले जानकारी दिए ।
यहाँ काडिनल, जनक, कुफरी जपी, भूटानी, सठिया, टिपिएसलगायत जातका आलु लगाउने गरिएको उनले बताए। समग्रमा वार्षिक रूपमा तीन हजार हेक्टर क्षेत्रफलमा आलुखेती हुने गरेको कृषि ज्ञान केन्द्रले जनाएको छ ।
.jpeg)
.gif)
