.gif)
धनुषामा लागुऔषधि कारोबारी पक्राउ गर्न प्रहरीले गोली चलाएको छ । प्रहरीले चलाएको गोली धनुषा मिथिला नगरपालिका–६ ढल्केवरका ४८ वर्षीय पप्पु साहलाई गोली लागेको छ ।
मिथिला नगरपालिका २ नक्टाझीजमा लागुऔषध नियन्त्रण ब्युरो काठमाडौँको टोलीले एक राउण्ड हवाइ फायर गरेको र एक राउण्ड साहको दाहिने घुँडामुनि प्रहार गरेको हो ।
उनको साथबाट खैरो हेरोइन १०० ग्राम बरामद गरिएको ब्युरोले जनाएको छ । यस्तै बारा परवानीपुर गाउँपालिका वडा नं ३ लिपनीमालकी २७ वर्षकी सेलो देवी रामलाई पनि प्रहरीले पक्राउ गरेको छ ।
उनको साथबाट लागुऔषध खैरो हेरोइन १०८ ग्राम बरामद भएको छ । पप्पु यसअघि पनि लागुऔषध मुद्दामा २ वर्ष कैद भुक्तान गरेर रिहा भएका व्यक्ति हुन् । २०७९ जेठ १३ गते प्रहरी वृत थानकोटबाट मुद्दा चलाइएका उनी २ वर्ष कैद भुक्तान गरेर रिहा भएका थिए ।
प्रतिक्रिया दिनुहोस्
.jpeg)
.gif)
