.gif)
क्याप्टेन विजय लामाले प्रजातन्त्र र गणतन्त्र आएपछि जे पनि बोल्न र गर्न सक्छौ भन्ने सोचले गर्दा जे पनि बोल्ने र अपमान गर्ने प्रवृत्तिको विकास भएको भन्दै यसलाई रोक्नको लागि युवाहरुको खाँचो रहेको बताए ।
विहीबार ग्लोबल युथ पार्लामेण्टले आयोजना गरेको १६५ युवा सांसदको घोषणा तथा सपथ ग्रहण समारोहमा सम्बोधन गर्दै उनले गणतन्त्रमा जे पनि गर्न पाइन्छ भन्ने सोच गलत बताएका हुन् ।
उनले भने, ‘सबै मान्छेले भन्छ हाम्रो देश बनेन भनेर किन बनेको छैन् । हाम्रो देश नबनेको भए आज यति धेरै युवाहरु भेला हुदैँ हुदैँन् थियो । प्रजातन्त्र र गणतन्त्र आएपछि हामीले जे पनि बोल्न सक्छौ भन्ने सोचका साथ अगाडि बढेका छौ तर त्यो सोचमा पनि विकृति आएको छ । बोल्न पायो भन्दैमा जे पनि बोल्ने, अपमान गर्ने प्रवृत्तिको विकास भएको छ । यसलाई रोक्नको लागि पनि युवाहरुको खाँचो छ । बोल्दा के बोल्ने भन्ने कुरामा विशेष ध्यान दिनुपर्छ ।’
आजको शक्ति भनेको युवा वर्ग नै भएको पनि उनको भनाई छ । ग्लोबल युथ पार्लामेण्टका संयोजक दिवाकर अर्यालको अध्यक्षतामा भएको कार्यक्रममा युवाहरुलाई प्रशिक्षण दिइएको थियो ।
.jpeg)
.gif)
