.gif)
बंगलादेशका टेस्ट कप्तान नजमुल हुसेन शान्तोले राजीनामा दिएका छन् । श्रीलंकाविरुद्धको टेस्ट सिरिज १-० ले गुमाएपछि कप्तान शन्तोले राजीनामा दिएका हुन् ।
शान्तोले पत्रकार सम्मेलनमा भने- 'म अब टेस्ट फर्म्याटमा [कप्तानको रूपमा] निरन्तरता दिन चाहन्न । यो व्यक्तिगत कुरा होइन । मैले टोलीको भलाइको लागि निर्णय लिएको छु । मलाई लाग्छ यसले टोलीलाई मद्दत गर्नेछ । म विगत केही वर्षदेखि ड्रेसिङ रुमको हिस्सा छु । मलाई लाग्छ [तीन अन्तर्राष्ट्रिय फर्म्याटका लागि] तीन कप्तानहरू बनाउनु हुदैन । मलाई थाहा छैन बोर्डले यसबारे के सोच्नेछ र म उनीहरूको निर्णयलाई समर्थन गर्नेछु । तर यो मेरो व्यक्तिगत निर्णय हो । मलाई लाग्छ तीन अलग-अलग कप्तानहरू टोलीको लागि सामना गर्न गाह्रो हुनेछ ।'
शान्तोले आफुले आफ्नो निर्णय बारे बंगलादेश क्रिकेट बोर्डको क्रिकेट अपरेशन विभागलाई जानकारी गराएको बताएका थिए ।
.jpeg)
.gif)
