.gif)
बाढीको जोखिम रहेको भन्दै जिल्ला प्रशासन कार्यालय सिन्धुपाल्चोकले भोटेकोशी र सुनकोशी नदी आसपासका बासिन्दालाई सतर्क रहन आग्रह गरेको छ। बुधबार सहायक सीडीओ गणेश नेपालीले सूचना जारी गर्दै सो आग्रह गरेका हुन्।
चीनको प्रहरी कार्यालयबाट असार ३ देखि ७ गतेसम्म तिब्बत क्षेत्रमा भारी वर्षा हुने सूचना प्राप्त भएकोले सतर्कता अपनाउन आग्रह गरेको सूचनामा उल्लेख छ। जिल्ला प्रशासन कार्यालय सिन्धुपाल्चोकका सहायक सीडीओ गणेश नेपालीले सूचना जारी गर्दै असार ३ देखि ७ गतेसम्म वर्षा र बाढीको जोखिम रहेको भन्दै सतर्कता अपनाउन आग्रह गरेका हुन्।
‘भोटेकोशी र सुनकोशी नदी आसपास ( भोटेकोशी गाउँपालिका, बाह्रबिसे नगरपालिका, त्रिपुरासुन्दरी गाउँपालिका, सुनकोशी गाउँपालिका, बलेफी गाउँपालिका र चौतारा साँगाचोकगढी नगरपालिकाको भोटेकोशी-सुनकोशी नदी आसपास) क्षेत्रमा जोखिम हुन सक्ने भएकोले नदी आसपास क्षेत्रमा बसोबास गर्नु हुने महानुभावहरुमा सतर्कता अपनाउन अनुरोध छ’, सूचनामा भनिएको छ।
.jpeg)
.gif)
